Arsenali përgatitet për transferimin e Saul Niguez, ylli kushton 150 milionë

12:23 | 11 Prill 2018
Arbresh Info

Arsenali është duke përgatitur transferimin e yllit të Atletico Madridit, Saul Niguez.

‘AS’ raporton që drejtorët e “Topçinjve”, Raul Sanllehi dhe Sven Mislinat janë duke u përgatitur për të lansuar një ofertë gjatë verës për Saulin, transmeton portali arbresh.info.

Në fakt, plani për transferimin e Saulit në Arsenal është duke u udhëhequr nga francezi Arsene Wenger derisa vazhdon shpresat për të vazhduar qëndrimin në detyrë edhe sezonin e ardhshëm.

Sanllehi ishte në Barcelonë kur tentoi për të nënshkruar me mesfushorin vitin e kaluar dhe vazhdon të jetë një tifoz i madh i reprezentuesit spanjoll.

Bordi i Arsenali është në dijeni se ata mund të nënshkruajnë Saulin në rast se ata dëshirojnë, megjithëse klauzola e tij e blerjes është madhështore prej 150 milionë euro./arbresh.info/